Ўзбекистонда 5 мингга яқин мансабдор коррупциявий жиноятлар бўйича жавобгарликка тортилди

Шавкат Мирзиёевнинг Олий Мажлисга ва Ўзбекистон халқига мурожаатномаси бўлиб ўтяпти.

Фото: Президент матбуот хизмати

Президент энг долзарб муаммо бўлган коррупция масаласига алоҳида тўхталиб ўтди.

"Ўтган икки йилда 5 мингга яқин мансабдор коррупциявий жиноятлар бўйича жавобгарликка тортилди. Лекин, очиқ айтиш керак, бу – масаланинг сабаби билан эмас, оқибати билан курашиш", - деди у.

Давлат раҳбари депутат ва сенаторлар, маҳаллий Кенгашлар ҳам бонг уриб, аниқ соҳаларни таҳлил қилиб, коррупцияни бартараф этиш бўйича фаол бўлишга чақирди, бунинг учун уларда етарли ваколат ҳам, шижоат ҳам борлигини таъкидлади.

Сунъий монополияга, ёпиқ схемаларга, умуман коррупцияга имкон берувчи барча бўшлиқларга барҳам берилиши таъкидланди.

Тайёрлаган: Отабек Матназаров

#парламентга мурожаат #Шавкат Мирзиёев