Ўзбекистонда пилла етиштириш бўйича етакчи ҳудуд маълум қилинди

Республикамизда қанча пилла етиштирилгани, бунда қайси ҳудуд етакчи экани тўғрисида маълумот берилди.

Фото: Kun.uz

2022 йилнинг январь-сентябрь ойларида республика бўйича жами 24,2 минг тонна пилла хомашёси тайёрланган.

Давлат статистика қўмитаси маълумотларга кўра, бу ўтган йилнинг мос даври билан солиштирилганда 6,4 фоизга ошган.

Ҳудудлар кесимида етиштирилган пилла хомашёси ҳажми бўйича Самарқанд вилояти биринчи ўринни эгаллади – 3 122,6 тонна.

Ундан кейинги ўринлардан мос равишда 3 115,2 тонна ҳамда 2 574,4 тонна пилла хомашёси етиштирилган Андижон вилояти ва Бухоро вилояти жой олди.

Ушбу кўрсаткич қолган ҳудудлар кесимида қуйидагича кўринишга эга бўлди:

Қашқадарё вилояти – 2 295,8 тонна;
Фарғона вилояти – 2 241 тонна;
Наманган вилояти – 2 031,5 тонна;
Хоразм вилояти – 2 015,3 тонна;
Сурхондарё вилояти – 1 832,1 тонна;
Тошкент вилояти – 1 710,4 тонна;
Навоий вилояти – 1 022,2 тонна;
Жиззах вилояти – 802,7 тонна;
Қорақалпоғистон Р. 802,1 тонна;
Сирдарё вилояти – 665,6 тонна.