Жиззахда бўри сўйган фуқаро жазоланди

Икки йил олдин Жиззах вилояти, Янгиобод туманида бўри сўйган фуқаро жазога тортилди. Бу ҳақда Табиат ресурслари вазирлиги хабар берди.

Қайд этилишича, ижтимоий тармоқларда Жиззах вилояти, Янгиобод туманида яшовчи фуқаро томонидан бўрининг сўйилиши акс этган суратлар тарқалган. Шундан сўнг, Табиат ресурслари вазирлиги Жиззах вилояти бошқармаси экологик инспекцияси томонидан ўрганиш олиб борилган. Натижада, ушбу воқеа 2 йил олдин содир бўлгани аниқланган.

Ҳолат юзасидан фуқарога нисбатан Маъмурий жавобгарлик тўғрисидаги кодекснинг 90-моддаси, 1-қисмига асосан маъмурий баённома расмийлаштирилиб, 3 млн сўм миқдорида жарима жазоси қўлланилган.