Тошкентда 4 та машина иштирокида ЙТҲ содир бўлди

Фото: Тошкент шаҳри ЙҲХБ ахборот хизмати

Тошкент шаҳри Олмазор туманида 13 март куни тўртта машина иштирокида йўл-транспорт ҳодисаси содир бўлди.

Қайд этилишича, ҳодиса Аҳмад Дониш кўчасида соат 18:00 да содир бўлган. Epica, 2 та Cobalt ва Matiz автомобиллари тўқнашиб кетган.

Пойтахт Йўл ҳаракати хавфсизлиги бошқармаси хабарига кўра:

давлат рақам белгиси 01 C 659 ZB бўлган Epica;
давлат рақам белгиси 10 Q 544 МА бўлган Cobalt;
давлат рақам белгиси 01 E 837 RB бўлган Matiz;
давлат рақам белгиси 10 Q 042 BB бўлган Cobalt иштирокида йўл транспорт ҳодисаси содир бўлган.

Йўл-транспорт ҳодисаси оқибатида Epica ҳамда Matiz автомашинаси ҳайдовчи ва йўловчилари тан жароҳат олган. Ҳолат юзасидан суриштирув ҳаракатлари олиб борилмоқда.