Рақамли рубль
Россия Давлат думаси рақамли рублни муомалага киритишни кўзда тутувчи иккита қонун лойиҳасини маъқуллади.
Қайд этилишича, Россия Марказий банки 1 апрелдан 13та банкнинг реал мижозларида рақамли рублни синовдан ўтказишни бошлашни режалаштирмоқда.
Платформадан жисмоний ва юридик шахслар, якка тартибдаги тадбиркорлар, ижро этувчи ҳокимият органлари фойдаланиши мумкин. Ушбу жараёнда Россия Марказий банки рақамли рублнинг хавфсизлиги ва улар билан боғлиқ операциялар тўғрисидаги маълумотларни тўғри ҳисобга олиш учун жавобгар бўлади.
Telegram’да катта янгиланиш
Telegram қувват тежайдиган янгиланишни чиқарди. Ушбу режим смартфонда кўп энергия сарфлайдиган анимация ва визуал эффектларни ўчириш ва батарея қувватини камайтириш имконини беради. Янги режимни шундай созлаш мумкинки, у заряд даражаси белгиланган қийматга тушганда автоматик равишда ёқилади.
Бундан ташқари, мессенжерда бошқа баъзи функциялар кенгайтирилди. Масалан, энди фойдаланувчи видеони ўзи белгилаган тезликда кўра олади (0,2х дан 2,5х гача бўлган вариантлар бор). Шунингдек, гуруҳ чатларида хабар жўнатувчилар ҳар бир фойдаланувчи томонидан хабар ўқилган вақтни билиб олиши мумкин.
Илк турк электромобили
Туркияда TOGG электромобили учун буюртма олиш бошланди. Етказиб бериш март ойининг охиридан бошланиши режалаштирилган.
Илк турк электромобилининг нархи 52 минг 700 долларни ташкил этади. Машина 200 от кучига эга, 100 км/соат тезликка 7,6 сонияда чиқа олади.
Кроссовер тўлиқ қувват билан 500 кмгача йўл босади, атиги ярим соат ичида аккумуляторини 80 фоизгача зарядлаш мумкин.
