Бугун, 21 март куни соат 10:35 да А-373 автомобиль йўлининг Қамчиқ довони қисмида йўл-транспорт ҳодисаси содир бўлган.
Фото: Kun.uz
Тошкент – Водий йўналишида ҳаракатланган, нефт ташишга мўлжалланган махсус юк автомобили ҳайдовчиси бошқарувни йўқотиши оқибатида, йўл ўртасидаги бетон тўсиққа урилиб, йўлнинг қарама-қарши қисмига ағдарилган. Натижада юк автомобилига ортилган битум маҳсулоти ерга тўкилган. Ёнғин содир бўлмаган.
Зудлик билан воқеа жойига ФВВнинг 3 та махсус техникаси етиб бориб, ЙПХ ва "Қамчиқавтойўл" ходимлари ҳамкорлигида ҳодиса оқибатларини бартараф этди.
Ҳодиса оқибатида тан жароҳати олган ва ҳалок бўлганлар йўқ.
Довонда автомобилларнинг икки томонлама хавфсиз ҳаракати давом этмоқда.
