Қўшимча функционаллар
-
Тунги кўриниш
Украина Россия дронлари ҳужумини қайтарди ва 13 та қурилмани уриб туширди
Украина Россиянинг дронлари ҳужумини қайтарди, 12 та Shahed-131/136 учувчисиз учоғи, битта "Гранат-4" разведка учувчисиз қурилмаси ва иккита бошқариладиган авиабомба йўқ қилинди, дея хабар берди Украина Ҳарбий-ҳаво кучлари қўмондонлиги Telegram'даги баёнотида.
Фото: Picture Alliance
Украина ҳаво ҳужумидан мудофаа кучлари Киев атрофидаги ҳаво ҳудудида «душманнинг барча нишонларини» йўқ қилди, деди шаҳар ҳарбий маъмурияти раҳбари Сергей Попко. Унга кўра, йўқ қилинган дронлардан бирининг бўлаклари пойтахтнинг Святошинский туманига тушиб кетган, натижада турар жой бўлмаган бинода ёнғин содир бўлган.
18 мартга ўтар кечаси ҳам Россия Украинага кўп сонли учувчисиз учоқлар билан ҳужум қилганди.
Киев ва Киев вилоятида, шунингдек, Полтава, Харкив, Черниҳов, Житомир, Херсон, Миколайив, Ровно, Хмелницкий, Тернипил ва Лвив вилоятларида ҳаво тревогаси эълон қилинди. Украина Қуролли кучлари Ҳарбий-ҳаво кучлари россияликлар Shahed дронлари билан шимолий ва жануби-шарқий йўналишлардан ҳужум қилганини тасдиқлади.
Украина ҳаво ҳужумидан мудофаа кучларининг Киев, Житомир, Черниҳов ва Днипропетровск вилоятларидаги иши ҳақида хабар берилган. Днипропетровск вилояти осмонида учта УУА, тахминан - Shahed-131/136 уриб туширилган.
Россия-Украина уруши
Мавзуга оид
22:10 / 28.09.2024
Украина разведкаси Москва вилоятида Россия армияси полковниги ўлдирилганини маълум қилди
16:20 / 28.09.2024
Норвегия украинларга автоматик равишда бошпана беришни тўхтатади
12:55 / 28.09.2024
АҚШ разведкаси Украинанинг Россия ичкарисига зарба йўллашига рухсат берилишига қарши
11:24 / 28.09.2024