Наманган ва Тошкент вилояти аҳолиси сони 3 миллиондан ошди

Ўзбекистонда 2023 йил 1 апрель ҳолатига доимий аҳоли сони 36 197 781 кишини ташкил этяпти.

Статистика агентлигининг дастлабки маълумотларга кўра, ҳудудлар кесимида доимий аҳоли сони бўйича етакчилик Самарқанд вилоятида – 4,1 млн киши.

Ундан кейинги ўринлардан доимий аҳолиси сони мос равишда 3,9 млн киши ва 3,4 млн киши бўлган Фарғона вилояти ҳамда Қашқадарё вилояти жой олди.

Ушбу кўрсаткич қолган ҳудудлар кесимида қуйидагича кўринишга эга:

• Андижон вилояти – 3,3 млн киши;
• Наманган вилояти – 3 млн киши;
• Тошкент вилояти – 3 млн киши;
• Тошкент шаҳри – 2,9 млн киши;
• Сурхондарё  вилояти – 2,8 млн киши;
• Бухоро вилояти – 2 млн киши;
• Қорақалпоғистон Р. – 1,9 млн киши;
• Хоразм вилояти – 1,9 млн киши;
• Жиззах вилояти – 1,4 млн киши;
• Навоий вилояти – 1 млн киши;
• Сирдарё вилояти – 900,9 минг киши.