Парагвайнинг амалдаги президенти Марио Абдо Бенитес "Колорадо" консерватив партиясидан номзод Сантяго Пеняни президентлик сайловидаги ғалабаси билан табриклади.
Жаҳон агентликларининг 1 май, душанба куни эрталабки маълумотларига кўра, Парагвайда ҳукмрон консерватив "Колорадо" партиясидан номзод, 44 ёшли иқтисодчи Сантяго Пеня президентлик сайловларида ғалаба қозонди.
Сайлов бюллетенларининг 96 фоизини санаб чиқишнинг дастлабки расмий натижаларига кўра, Пеняни овоз берган сайловчилар 42,8 фоизи қўллаб-қувватлаган. Унинг марказий сўл лагердаги рақиби Эфраин Алегрени - 27,5 фоиз.
Амалдаги давлат раҳбари Марио Абдо Бенитес аллақачон Пеняни табриклаб, уни “сайланган президент” деб атади. Президент Парагвайнинг сиёсий тизимида марказий рол ўйнайди, айни пайтда ҳукумат бошлиғи ҳисобланади.
"Колорадо" консерватив партияси 30 апрел куни бўлиб ўтган овоз беришда Жанубий Америка мамлакати парламентига ва департаментлар губернаторларига сайловларда ҳам жуда кучли натижаларга эришди.
Парагвай Тайван билан расмий дипломатик алоқаларни давом эттираётган 13 давлатдан биридир. Тайван биринчилардан бўлиб Пеняни сайловдаги ғалабаси билан табриклади. Сантяго Пеня 15 август куни Парагвай президенти лавозимига киришиши кутилмоқда.
