Кўчада содир бўлган ўзаро жанжал оқибатида йигит ўзидан 4 ёш катта акасини пичоқ билан бир маротаба уриб, қасддан ўлдирган ҳамда воқеа жойидан қочиб кетган.
Бош прокуратура матбуот хизматининг Kun.uzʼга маълум қилишича, 24 май куни тахминан тунги соат 00:30 ларда 2002 йилда туғилган О.Ш. Миробод туманидаги “Ойбек” метро бекати атрофида акаси билан ўзаро жанжаллашган. Натижада О.Ш. 1998 йилда туғилган акаси О.Л.нинг кўкрак қафаси олди қисмига ўткир тиғли пичоқ билан бир маротаба уриб, қасддан ўлдиради ҳамда воқеа жойидан қочиб кетган.
Маълум қилинишича, ҳолат юзасидан Миробод туман прокуратураси томонидан 2023 йил 24 май куни Жиноят кодекси 97-моддаси 1-қисми билан жиноят иши қўзғатилди. Шунингдек, гумонланувчи қўлга олинган.
