Чиройли корпус, етарли куч захираси, яхши экран, қийин пайтда ишончингизни оқлайдиган аккумулятор ва иш учун зарур портлар.
Дунёнинг исталган жойидан туриб ишлаш учун қулай янги замонавий ноутбук сотиб олиш ҳақида ўйлаш вақти келганда, баъзида бозорда моделларнинг кўплиги туфайли танлов қилиш қийин. Мураккаб техник хусусиятлар, жуда кўп янги атамалар ва турли дизайн хусусиятлари қўрқитиб қўйиши ва ҳатто янги ноутбук сотиб олиш ғоясидан воз кечишга олиб келиши мумкин.
Ҳаммасини узил-кесил ҳал қилиш учун қулай ўтириб олишни ва замонавий одам учун ноутбукларнинг қайси параметрлари энг муҳим эканлигини биргаликда аниқлашни таклиф қиламиз. Иш ёки мактабдаги вазифаларни ҳал қилишда фойдали бўладиган асосий хусусиятларни таъкидлаб ўтган ҳолда, Dell Vostro ноутбуклари оиласининг имкониятларига эътибор қаратамиз.
Vostro серияси орасида ҳар ким ўз вазифасига мос ноутбукни топиши мумкин. Қуйидаги асосий хусусиятларни кўриб чиқиб, ҳақиқий дўстга айланадиган, қийин вазиятларда уялтириб қўймайдиган ва бир неча йиллар давомида эгасига содиқлик билан хизмат қиладиган моделдаги ноутбукни топиш мумкин.
Қулайлик биринчи ўринда – дизайн ва эргономика
Янги ноутбукни танлашда, биринчи навбатда, уни ҳар куни офисда ёки уйда ишлата олиш қанчалик қулай бўлишига эътибор бериш керак. Dell Vostro оиласи ноутбукларида кўплаб моделлар мавжуд ва уларнинг барчаси ўйланган дизайни билан ажралиб туради. Dell ноутбуклари иложи борича жозибали кўринишга эга бўлиб, турли интерьерларга – эҳтиёткор офис услубидан тортиб, қулай уй муҳитигача жуда мос тушади.
Мисол учун, экран диагонали 15,6 дюйм бўлган Dell Vostro 15 5515 фойдаланувчига марказида жозибали компания логотипи туширилган кумуш-бронза корпусининг ихчам дизайнини таклиф этади. У атиги 1632 грамм оғирлиги билан ҳам анча енгил бўлиб, уни уйдан офисга, коворкинг майдонига ёки севимли қаҳвахонага олиб боришни осонлаштиради. Бундан ташқари, ушбу модель кўпчиликка таниш бўлган рақамли блокка эга клавиатура билан жиҳозланган, бу эса эгасига кундалик ҳаётда қўллашдаги қулайликни таъминлайди.
Муваффақиятнинг калити – кучли қурилмада
Замонавий ноутбукда бўлиши керак бўлган яна бир параметр – қурилманинг ичидаги кучи. Ва қурилма эгасига фойдаланувчи дастурий таъминотини тезда ишга тушириш ва керакли вазифаларни муваффақиятли тарзда бажаришни таъминлаш учун жуда катта куч талаб этилади. Ноутбук бир йилдан кўпроқ вақт давомида замон талабидаги куч билан таъминлай олиши учун у замонавий операцион тизимда ишлаши керак.
Dell Vostro 3515 ичида айнан шундай ишлаш учун қулайликни берувчи куч мавжуд. Ушбу ноутбукка Radeon графикали AMD Ryzen 7 3700У процессори ва 16 ГБ гача оператив хотира ўрнатилган ҳамда Windows 11 Proʼни қўллаб-қувватлайди. Бундан ташқари, ноутбукнинг ихчам корпуси ичига кучли AMD Radeon RX Vega 8 график картаси ҳам ўрнатилган, бу эса ноутбукнинг «оғир» рендерлаш вазифаларига бардош беришига хизмат қилади.
Реал вақтни кузатиш имконияти – юқори сифатли экран
Янги ноутбукни кўздан кечирганда дисплейга эътибор бериш муҳимдир. Фойдаланувчи унга кўп вақт давомида қараб ўтиради, шунинг учун замонавий экран ноқулайликлар сабабчисига айланмаслиги керак. Ишга халақит бермайдиган ва ноутбукнинг замонавий кўринишини сақлайдиган етарлича нозик ҳошияларга эга бўлиши ҳам лозим.
Dell Vostro 3510 моделининг IPS-дисплейини айнан шундай деб айтиш мумкин, у иш учун қулай ва 1920х1080 пикселли 15,6 дюймли диагоналга эга. Ёрқинликка қарши қоплама туфайли ушбу ноутбук контентни нафақат тўғри бурчак остида кўрсатади ва унинг 220 нит ёрқинлиги фойдаланувчини ҳатто яхши ёритилган хонада ҳам дисплейдаги тасвирни кўриш учун унга қайта-қайта қараш эҳтиёжидан халос қилади.
Бундан ташқари, Dell Vostro 3510 Dell ComfortView дастурий таъминот технологиясига эга бўлиб, у зарарли кўк ёруғликни камайтиради, шунинг учун экранга узоқ вақт қараш фойдаланувчининг кўзларини чарчатмайди. Яъни ноутбук том маънода эгасининг соғлиғини сақлайди.
Кун бўйи юқори самарадорлик – узоқ вақтга етадиган аккумулятор
Замонавий ноутбукдаги энг муҳим параметрларидан бири бу ўрнатилган аккумуляторнинг қуввати. У билан ишлаш давомида фойдаланувчи маълум вақтгача розетка қидириб қолмаслиги ва ишлаш жараёни қулай ҳамда узоқ бўлиши керак.
Dell Vostro 3515 ноутбук моделига энергия тежовчи процессорлар ва 45 Вт қувватга эга аккумулятор ўрнатилди, бу аккумуляторнинг 5 соатдан кўпроқ вақт давомида ишлаши учун етарли. Ноутбук процессори кўп энергия истеъмол қилмайди, бу юқори батарея қуввати билан бирлашганда фойдаланувчига қулай автономия даражасини таъминлайди.
Иш жойидаги энг керакли нарсалар – портлар
Кўпинча иккинчи монитор билан ишлайдиганлар, проекторда тақдимотларни ўтказадиганлар, ташқи драйверларни ёки бошқа учинчи томон компьютерларининг ташқи қурилмаларини улайдиганлар, ноутбук танлашда, албатта, керакли портларнинг мавжудлигига эътибор беришлари керак. Ноутбук корпусида ишлаш учун зарур бўлган портларнинг мавжудлиги уланиш учун адаптерларни қидириб, кўп вақт сарфлашнинг олдини олади.
Dell Vostro оиласида барча моделлар аксессуарларни улаш учун керак бўладиган портлар тўплами билан таъминланган. Муайян бир модель ҳақида гапирадиган бўлсак, Vostro 3525 ноутбукини намуна сифатида кўриб чиқиш мумкин. Унда турли аксессуарлар учун 2 та USB 3.2 Gen 1 порти (Dali), 1 та USB 3.2 Gen 1 порти (Barcelo / Lucienne), уланиш учун 1 та USB 3.2 Gen 1 Type-C порти (Barcelo / Lucienne), 1 та USB 2.0 порти, 1 та эшитиш воситаси порти (наушник ва микрофон комбинацияси порти), 1 та HDMI 1.4 порти, 1 та RJ-45 Ethernet порти (очиб-ёпиладиган дизайнга эга) мавжуд.
Vostro серияли ноутбукларни Ўзбекистондаги электроника дўконларидан харид қилиш мумкин, шунингдек, ваколатли ҳамкор – age.uz орқали ҳам буюртма бериш мумкин.
Реклама ҳуқуқи асосида
