Кишинёв аэропортида тўппончадан ўт очган одам Тожикистонда қидирувда бўлган

У Тожикистон пойтахти Душанбе шаҳрида “Ориёнбонк” топ-менежери, банк раисининг биринчи ўринбосари Шуҳрат Исматиуллоевни ўғирлаб кетганликда гумонланмоқда. Бу ҳақда Тожкистон Бош прокуратураси хабар қилган.

Тожикистон Бош прокуратурасининг хабарига кўра, банкир 23 июн куни ўғирлаб кетилган.

«Суриштирув ишлари мобайнида уюшган жоний гуруҳ аъзоларидан бири Тожикистон Республикаси фуқароси, 1980 йилнинг 25 мартида туғилган А Ашуров Рустам Каримович экани аниқланган. У Туркия Республикаси орқали Молдова Республикасига кейинчалик Еврои Иттифоқи давлатларидан бирида яшириниш учун қочиб ўтган», – дейилади баёнотда.

Аввалроқ Кишинёвга Туркиядан учиб келган ва мамлакатга кириш тақиқланган хорижлик фуқаро ўзини қайта учиб кетиш зонасига кузатиб бораётган чегарачининг тўппончасини қўлга киритиб, уни отиб ўлдиргани, сўнгра йўловчилардан бирига ҳам ўқ узиб ўлдиргани, кейинчалик аэропорт биноси махсус хизматларнинг штурми натижасида қўлга олингани маълум қилинган эди.