Ғазалкентда қотилликда гумон қилинган бир гуруҳ шахслар қўлга олинди

Тошкент вилоятининг Ғазалкент шаҳрида Тошкент шаҳар Олмазор туманида қотиллик содир этганликда гумон қилинган бир гуруҳ шахслар қўлга олинди.

Видеодан кадр

Ижтимоий тармоқларда ҳуқуқ-тартибот идоралари ходимлари одамларни машинадан чиқариб, ерга йиқитгани акс этган видео тарқалди.

Ўзбекистон Ички ишлар вазирлиги матбуот котиби Шоҳрух Ғиёсовнинг маълум қилишича, видео 26 июнь куни Тошкент вилоятининг Ғазалкент шаҳрида тасвирга туширилган.

Жиноят қидирув хизмати ходимлари томонидан Тошкент шаҳрининг Олмазор туманида содир этилган қотилликда гумон қилинган жиноий гуруҳ аъзолари қўлга олинган.

Тезкор-қидирув тадбирлари давом этаётгани боис, воқеа юзасидан батафсил маълумот ошкор қилинмайди, дея қўшимча қилди ИИВ вакили.