«Рома» ҳужумчиси Элдор Шомуродов янги мавсумни Италиянинг бошқа клубида бошлаши мумкин.
Фото: Getty Images
«RomaPress» хабарига кўра, Ўзбекистон миллий жамоаси ҳужумчисига «Лечче» клуби қизиқиш билдирмоқда. Ўтган мавсум А Серияда 16-ўринни эгаллаган леччеликлар янги мавсум олдидан ҳужум чизиғини Шомуродов билан кучайтирмоқчи. Ўтиш трансфер орқали амалга ошадими ёки ижара – ҳозирча номаълум.
La Gazzetta dello Sport нашрининг ёзишича, Шомуродов Жозе Моуриньонинг янги мавсум учун режаларидан ўрин олмаган. Рим клуби Элдор учун таклифларни кўриб чиқишга тайёр. Элдорнинг римликлар билан амалдаги келишуви 2026 йилга қадар имзоланган.
Эслатиб ўтамиз, Шомуродов ўтган мавсумнинг иккинчи қисмини ижара асосида «Специя»да ўтказиб, бу жамоани А Сериядаги ўрнини сақлаб қолишга ёрдам бера олмади. У 16 ўйинда битта гол ва 2та ассистга муаллифлик қилди.
