Россияда рақамли рубл тўғрисидаги қонун кучга кирди

Рақамли рубл Россияда нақд ва нақдсиз пул билан бир қаторда учинчи пул шаклига айланмоқда. Биринчи босқичда Марказий банк фақат реал банк мижозларида рублни синовдан ўтказишни бошлайди.

Фото: Sputnik

Россияда 1 август куни рақамли рублни жорий этиш тўғрисидаги қонун кучга кирди - у электрон ҳамёнда сақланадиган рақамли код ҳисобланади. Рақамли рубл нақд ва нақдсиз пуллар билан бир қаторда миллий валютанинг учинчи шаклига айланади.

Россия банки 13 та банк иштирок этадиган рақамли рублни синовдан ўтказишини эълон қилди. Регулятор қайси кредит ташкилотлари ҳақида гап кетаётганига аниқлик киритмаган. Синовлар чекланган доирадаги мижозлар ва йирик кредит ташкилотлари ходимларида ўтказилади.

«Сбербанк», «ВТБ», «Альфа-банк», «Тинкофф Банк», «Газпромбанк», «Росбанк», «Промсвязбанк», «Совкомбанк», «Ак Барс Банк», «Дом.РФ», «Синара», «ТКБ», «МТС-банк» ва «КИВИ Банк» рақамли рубл платформаси прототипини синовдан ўтказишнинг биринчи босқичида иштирок этди, у февраль ойида якунланди.

Марказий банк рақамли рубл кенг муомалага киришининг аниқ саналарини эълон қилмади, бироқ барча фуқаролар 2025-2027 йилларда янги пул шакли учун рақамли ҳамён очиши мумкинлигини истисно этмади. Тахминларга кўра, рақамли ҳамён мижознинг ҳисобрақамига эга бўлган банкнинг исталган мобил иловаси орқали очилиши мумкин. Бундай ҳолда, крипторубл платформаси оператори (Марказий банк) билан шартнома тузиш керак бўлади.

Шунингдек, рақамли ҳамённи банкнинг мобил иловаси орқали тўлдириш мумкин бўлади, бу ерда учинчи шахсларга пул ўтказиш ҳам мумкин. Рақамли рублдан фойдаланганда баланс ва нақд пул учун фоиз олинмайди. Рақамли рублда кредит олиш ёки депозитларни очиб бўлмайди.