Сирдарё вилоятида бедарак йўқолган ўқувчи қиз топилди

Уни топиш учун 5 млн сўм миқдорида мукофот эълон қилинганди.

Фото: Сирдарё вилояти ИИБ

Сирдарё вилояти Ховос туманида қидирилаётган 17 яшар ўқувчи қиз топилди. Вилоят ИИБ ахборот хизмати маълум қилишича, 24 июл куни яшаш хонадонидан номаълум томонга чиқиб кетиб бедарак йўқолган Хакимова Манзура Бекполат қизи топилиб ота-онасига соғ-саломат топширилди.

Ушбу фуқарони топишда кўмаклашган фуқаролар 5 миллион сўм пул маблағи билан мукофотланиши ҳамда маълумот берган шахсларнинг шахсига оид маълумотлари сир сақланиши кафолатланиши айтилган эди.

«Қидирувда кўмак берган барча фуқароларга Сирдарё вилояти ИИБ жамоаси номидан ўз миннатдорчилигимизни билдирамиз», — дейилади хабарда.