Қўшимча функционаллар
-
Тунги кўриниш
«Толибон» Афғонистондаги сиёсий партиялар фаолиятини ноқонуний деб эълон қилди
«Толибон» партияларни ўз тизимининг беқарорлаштирувчи омилларидан бири деб билади ва шу сабабли уларнинг фаолиятини тақиқлаган.
Фото: Rahmat Gul / AP
Сиёсий партиялар фаолияти шариат қонунларига зид ва улар Афғонистонда тақиқланган. Бу ҳақда Афғонистоннинг «Толибон» радикал ҳаракати томонидан тузилган ҳукумат адлия вазири Абдулҳаким Исҳоқзой гапирди.
«Афғонистондаги сиёсий партиялар фаолияти шариат меъёрларига зид бўлгани ва халқ манфаатларини ҳимоя қилмагани учун қатъиян ман этилган», деб унинг сўзларидан иқтибос келтирди ТАСС Bakhtar News агентлигига таяниб.
Hasht-e Subh нашрининг экспертларга таяниб ёзишича, «Толибон» ҳаракати сиёсий партияларни ўз тизимини беқарорлаштирувчи омиллардан бири деб ҳисоблайди ва шунинг учун ҳам уларнинг фаолиятини тақиқлаган.
2021 йил баҳорида АҚШ ўз қуролли кучларини Афғонистондан олиб чиқишини эълон қилганидан сўнг, «Толибон» ҳокимиятни қўлга олиш мақсадида кенг кўламли ҳарбий операцияни бошлаган эди.
15 август куни радикаллар Кобулга жангсиз кириб борди ва 7 сентябрь куни муваққат ҳукумат таркибини эълон қилди. Ушбу ҳукумат ҳали ҳеч бир давлат томонидан тан олинмаган.
Мавзуга оид
18:20 / 18.12.2024
Ўзбекистон 2025 йилда ҳам Афғонистонга электр энергиясини етказиб беради
17:52 / 07.12.2024
Қирғизистон президенти АҚШ ва Европани «Толибон»ни тан олишга чақирди
17:43 / 03.12.2024
Афғонистонда TAPI газ қувури қурилиши бошланди
23:50 / 29.11.2024