Ўзбекистон жамоат тартиби ва хавфсизлигини таъминлашда АҚШ билан ҳамкорлик қилади

АҚШнинг Ўзбекистондаги фавқулодда ва мухтор элчиси Жонатан Ҳеникнинг Ички ишлар вазирлигига ташрифи амалга оширилди.

Фото: ИИВ

Жорий йилнинг 6 сентябрь куни Ўзбекистон ИИВ биносида ички ишлар вазири Пўлат Бобожонов билан АҚШнинг Ўзбекистондаги фавқулодда ва мухтор элчиси Жонатан Ҳеник ўртасида учрашув бўлиб ўтди.

Мулоқот давомида Ўзбекистон ички ишлар органлари ва АҚШ ҳуқуқни муҳофаза қилиш органлари ўртасида ўзаро ҳамкорлик алоқаларининг ҳуқуқий асосларини мустаҳкамлаш, жиноятчиликка қарши курашиш, жамоат тартиби ва хавфсизлигини таъминлаш, ўзаро тажриба алмашиш ҳамда кадрлар малакасини ошириш каби икки томонлама ҳамкорликни ривожлантириш истиқболларига оид масалалар муҳокама қилинди.

Ўз навбатида, элчи АҚШнинг дипломатик миссияси номидан соҳага оид ўзаро ҳамкорликни янада ривожланиши ҳамда кенгайиши учун ҳисса қўшишга тайёрлигини билдирди.

Учрашув якунида икки мамлакатнинг ҳуқуқни муҳофаза қилиш органлари ўртасидаги алоқаларни мустаҳкамлаш борасида тегишли вазифалар белгилаб олинди.