Францияда 100 фоизлик натижа, Қозоғистон ҳолатини қийинлаштирди. Евро-2024 саралаши

B гуруҳи

Фаворитлар фойдасига 5:0

Франция — Ирландия 2:0
Голлар: Тчуамени (19), Тюрам (48). 
Франция – Менян, Кунде (Павар, 90), Л.Эрнандес (Салиба, 73), Упамекано, Т.Эрнандес, Рабьо, Тчуамени, Дембеле (Коман, 73), Жиру (Тюрам, 26), Гризманн (Камавинга, 90), Мбаппе.
Ирландия – Базуну, Даффи, Иган, Коллинз, Стивенс (Макклейн, 46), Браун, Каллен, Моламби (ОШи, 68), Найт, Огбене (Эбоселе,84), Ида (Кин, 68; Коннолли, 78).

Саралаш турнирида Франциянинг ғалабали марши давом этади, аммо «учранглилар» учун навбатдаги ўйин муаммосиз кечмади ва биринчи бўлим ўрталаридаёқ Жиру жароҳат олди. Фахрий футболчига ҳамдард бўлиш билан бирга унинг ўрнига тушган Маркус Тюрамнинг ўйини очилганидан қувониш ҳам мумкин. Шу куни «Парк де Пренсс» трибунасида ўтирган ЖЧ-1998 ғолиби Лилиан Тюрамнинг ўғли дам олиш кунларида «Интер» сафидаги дебют голини урганди, бу сафар эса миллий жамоа сафидаги голлари ҳисобини очди.

У шу оқшом омад кулиб боқмаган Мбаппедан ўтиб кетган тўпни дарвозага йўллади. Килиан навбатдаги қулай вазиятни йўққа чиқарганига кинояли муносабат билдирди, аммо у шу куни барибир ўз савиясини намойиш этди ва ассистентлик балли ишлаб, самарали ўйинлари сериясини 13 тага етказди. Лекин голда асосий ишни қайтариб бўлмас йўллаган Тшуамени бажарди. «Реал»да бу ҳавбек фақат қора ишлар билан машғул, миллий жамоада ҳали кўп ўйнамаганига қарамай, учта гол уриб улгурди. Тшуаменининг зарбаси Франция миллий жамоасининг тарихий 900-ўйини безагига айланди. Бу учрашувдаги ғалабадан кейин французлар Европа чемпионати йўлланмасини деярли ҳал қилишди - иккинчи ўриндаги нидерландлар билан орадаги фарқ 9 тани ташкил этмоқда.

Нидерландия — Греция 3:0
Голлар: де Рон (17), Гакпо (31), Вегҳорст (39). 
Нидерландия – Флеккен, Думфрис (де Лигт,84), ван Дейк, Аке (де Врей, 46), Гертрюйда, Блинд, де Рон (Рейндерс, 65), де Йонг (Верман,77), Симонс, Гакпо (Ланг, 65), Вегорст.
Греция – Влаҳодимос, Рота (Яннулис, 69), Хацидьякос, Рецос, Цимикас, Бакасетас (Бухалакис,87),Манталос, Курбелис (Кульеракис, 70), Сиопис, Масурас (Фунтас, 70), Павлидис (Якумакис, 73).

Роналд Куман жамоага қайтганидан кейин бир жойда депсиниб қолган нидерландларнинг ишлари яна юриша бошлади ва гуруҳдаги тўғридан тўғри рақиб мағлуб этилганидан кейин иккинчи ўринга чиқиб олишди. Луи ван Гаал кузатишга келган ўйин бошидаёқ де Рон миллий жамоадаги илк голини урди. Греция эса деярли қаршилик кўрсатмади.

Эллинлар саралаш циклини қаторасига икки ғалаба билан бошлаган ва Франция билан тенгма-тенг курашган (0:1) жамоага асло ўхшамасди. Биринчи бўлим охирига етмасдан меҳмонлар нокаут ҳолатига тушишди. Дюмфрис икки идеал узатмаси билан ўйин масаласини ҳал қилди. Ушбу ҳимоячи аввалига узоқ устун олдида бўш қолдирилган Гакпони тўп билан таъминлади, кейинги вазиятда тўпни қанотдан баланд бўйли Вегҳорстга ошириб берди.

10 сентябр. Греция — Гибралтар, Ирландия — Нидерландия.

G гуруҳи

Белграддаги камбэк

Сербия — Венгрия 1:2
Голлар: Салаи (10, автогол) — Варга (34), Орбан (36). 
Сербия – Милинкович-Савич, Велькович, Павлович, Гудель, Радонич (Живкович, 46), Костич (Младенович, 46), Милинкович-Савич, Максимович (Миленкович, 64), Тадич (Илич,86), Митрович, Влаҳович (Йович, 87). 
Венгрия – Дибус, Него, Орбан, Ланг, Салаи, Керкез (Фиола, 70), Шаллаи (Чобот,90+6), Над (Ката,77), Собослаи, Стайлз, Варга (Адам, 77). 

Белградда гуруҳ етакчилиги учун жанг Сербия учун идеал даражада бошланганди. Ўйиндан олдин Митровичга Миллатлар Лигасининг энг яхши тўпурари учун соврин топширилди, мезбонлар 10-дақиқадаёқ автогол эвазига ҳисобда олдинга чиқиб олишди. Аммо венгрлар танаффусга қадар ўйинда бурилиш ясай олишди, иккинчи бўлимда эса мардонавор кўрсатиб, ғалабали ҳисобни ушлаб қолишди. Вазиятлардан бирида Дибус Влаҳовичнинг қулай позициядан йўллаган зарбасига ақл бовар реакция кўрсатди, бошқа ҳужумларда эса меҳмонлар жарима майдонини қамал қилган сербларга сўнгги нуқтани қўйишда аниқлик етишмади. Параллел кечган учрашувда литваликлар черногорияликлар билан дуранг ўйнагани Сербия фойдасига ишлади, бу дуранг туфайли Драган Стойкович жамоаси болқонлик рақобатчиларидан икки очколик фарқ билан олдинда жойлашган.

Литва — Черногория 2:2
Голлар: Паулаускас (71), Черних (90+4) — Крстович (78), Савич (89).

10 сентябр. Черногория — Болгария, Литва — Сербия.

Н гуруҳи

Қозоғистон тўртинчи ўринга тушиб кетди, энди уларнинг хато қилишга ҳаққи йўқ

Қозоғистон – Финландия 0:1
Гол: 0:1 – 78 Антман.
Қозоғистон – Шацкий, Скворцов (Тапалов, 67), Бистров, Марочкин, Алип, Вороговский (Досмагамбетов, 82), Дарабаев (Оразов, 67), Тагиберген, Куат, Зайнутдинов (Чесноков, 82), Аймбетов (Самородов, 46).
Финландия – Градецки, Алхо, Йенсен, Хосконен, Иванов, Нисканен, Шюллер (Камара, 67), Кайринен, Антман (Тэйлор, 85), Пукки (Челлман, 67), Похянпало.

Қозоғистон миллий жамоаси шу кунга қадар – Н гуруҳининг кутилмаган пешқадами бўлиб турганди. Магомед Адиев бошқарувидаги жамоа тўрт ўйинда тўққиз очко жамғарган ва турнир жадвалида Дания, Словения, Шимолий Ирландия ва Сан-Маринони ортда қолдираётган, аммо Финландия билан биринчи ўринни бўлишиб турганди. Навбатдаги тур айнан финнларга қарши эди. Тур арафасида кучлар нисбати ўзига хос эди, камида бир очко олиниши Қозоғистонга топ-2 учун имконият қолдирар, мағлубият эса жамоа амбицияларига катта таҳдид юзага келтирарди.

Ўйиннинг илк дақиқалариданоқ кураш бошланди. Қозоғистонликлар етакчиси Бахтиёр Зайнутдиновда яхши зарба бўлди, аммо биринчи бўлимда мезбонларда бошқа хавфли вазиятлар кузатилмади. Финландия эса тўп билан фаолроқ ҳаракат қилди.

Меҳмонлар форварди Теэму Пуккида вазиятлар бўлди, Илмари Нисканеннинг зарбаси ҳам хавфли чиқди. Бўлим охирига келиб Финландия дарвозани ҳам ишғол этганди. Аммо арбитр Раду Мариан Петреску VAR ҳакамлари билан маслаҳатлашиб, голни бекор қилди, ҳужум вақтида тўп майдон ташқарисига чиқиб кетгани маълум бўлди. Умуман олганда, дастлабки 45 дақиқаликдаги ўйин томошабоп  эмасди. Буни статистика ҳам тасдиқлайди: зарбалар бўйича Қозоғистон фойдасига 3 – 2. Ўйин дурангга қараб кетаётганди.

Иккинчи бўлимни Финландия фаоллик билан бошлади. Меҳмонлар тўпга кўпроқ эгалик қилишди, дарвоза сари дадиллик билан зарбалар беришди ва совуққонроқ ҳаракатланишди. Нима бўлганда ҳам финнлар – Евро–2020 иштирокчиси, уларнинг сафида тажрибали жангчилар бор. Қозоғистонда эса қайси паллада рақибни ҳужумлар билан босиб ташлаш, қайси паллада хотиржам ҳимояланиш кераклиги борасида аниқ тушунча кўринмасди. Финландияда 62-дақиқада яна бир ажойиб вазият юзага келди. Уларнинг қарши ҳужуми Расмус Шуллернинг кучли зарбаси билан якунланди, аммо дарвозабон Игор Шацкий жамоасини голдан қутқарди.

Аммо у 78-дақиқада барибир ожиз қолди. Финландиянинг навбатдаги комбинациясини яримҳимоячи Оливер Антман аниқ зарба билан якунлади. Бу иккинчи бўлимдаги 30 дақиқаликнинг мантиқий якуни эди.

Финнлар голдан кейин ҳам босим қилишда давом этишди. Мезбонларда ҳам вазиятлар бўлди. Аввалига, Рамазан Оразовнинг ўнг қанотдан берган узатмасига оёқ қўядиган футболчи топилмади, кейин бурчакдан тўп ошириб берилганида вазият хавфли тус олди. Аммо мезбонларда жавоб қайтариш учун вақт етарли эмасди ва жамоа саралаш босқичида иккинчи бор ўз уйида мағлуб бўлди.

Дания — Сан-Марино 4:0
Голлар: Ҳёйберг (26), Мелэ (28), Винд (40), Поулсен (90+4). 
Дания – Шмейҳел, Ларсен, Киер, Андерсен, Мэле, Эриксен, Ҳёйберг (Ҳойлунд, 59), Йенсен (Юлманд, 58), Линдстрем (Валлюс, 72), Олсен (Брэйтуэйт, 58), Винд (Поулсен, 82). 

Қозоғистоннинг уйдаги мағлубияти туфайли кутилмаганда Финландия гуруҳда яққол пешқадамга айланиб қолди. Қозоғистонликлар эса Дания ва Словениянинг кутилган ғалабаларидан кейин тўртинчи ўринга тушиб кетди. Скандинавларнинг Сан-Маринога қарши ўйини жамоа тўпурар Ҳойлунднинг голлари сонини ошириб олиши учун имкон эди, аммо мураббий яқинда жароҳатидан тузалган футболчини аяшга қарор қилди ва у фақат иккинчи бўлимда Винн ўрнига тушди, шунингдек, «Барселона» илтимоси билан ҳам ҳимоячи Кристенсен захирада қолдирилди.

Ўйиндаги энг ёрқин лаҳзалардан бири Кристиан Эриксеннинг Мэлега берган голли узатмаси бўлди, унинг товони билан йўллаган паси уч ҳимоячидан ўтиб жарима майдонига ёриб кирган ҳимоячининг оёқларига бориб тушди. Эриксен шу куни урилган тўрт голдан учтасига ассистентлик қилди.

🇩🇰 This Christian Eriksen assist 🤤#EQSkills | @HisenseSports pic.twitter.com/puN9YvzziV

— UEFA EURO 2024 (@EURO2024) September 7, 2023

Словенияликларда эса 20 ёшли ҳужумчи Шешконинг навбатдаги бенефиси бўлиб ўтди. Ёзда «Залцбург»ни «Лейпциг»га алмаштирган форвард ўзи ҳам гол уриб, яна икки голга узатма берди.

Словения — Шимолий Ирландия 4:2
Голлар: Шпорар (3, 56), Стоянович (17), Шешко (42) — Прайс (7), Эванс (53).
Словения – Облак, Стоянович, Карничник, Брекало, Бийол, Янжа, Гнезда-Черин, Элшник, Шпорар, Шешко, Млакар (Куртич, 74).
Шимолий Ирландия – Пикок-Фаррелл, Ҳьюм, Эванс, Макнейр, Браун (Кэткарт, 20; Смит, 76), Макменамин, Сэвилл, Прайс (Маккэнн, 64), Чарлз, Чарлз (Маженнис, 46), Кеннеди (Уошингтон, 46).

10 сентябр. Қозоғистон — Шимолий Ирландия, Финландия — Дания, Сан-Марино — Словения.

Е гуруҳи

Левандовски гол уришда давом этди

Чехия — Албания 1:1
Голлар: Черний (56) — Байрами (66). 
Чехия – Павленка, Цоуфал, Брабец, Голеш, Крейчи, Провод, Соучек, Крал, Черни (Гложек, 71), Кухта (Юречка, 71), Чванчара.
Албания – Бериша, Ҳюсай, Жимшити, Исмайли, Митай, Байрами, Рамадани, Аслани (Баре, 69), Асани (Муя, 70), Цикалеши (Даку, 59), Сефери.

Чехия ўз уйида Албанияга қарши кечган ўйинда очко йўқотиб, гуруҳда рақобатчиларини катта фарқ билан ортда қолдириб кетиш имконини қўлдан чиқарди. Мезбонлар биринчи бўлимда тўлиқ устунлик қилишди ва иккинчи бўлим бошида Черний ҳисобни очиши ўйин мантиғига тўла мос эди. Аммо шундан кейин меҳмонлар фаоллашди ва Крал ўз жамоаси жарима майдонида тўп йўқотиши Байрами ижросида «тўққизлик» аниқ нишонга олиниши билан якунланди. Қолган вақт давомида Бериша бир неча ажойиб сейвлар билан жамоаси сафардан очко олиб қайтишини таъминлади.

Полша — Фарер ороллари 2:0
Голлар: Левандовски (73 пеналти, 83). 
Полша – Шченсни, Берешински (Шиманьски, 59), Кендзера, Беднарек, Кивер, Скурас (Вшолек, 46), Камински, Криховяк, Зелиньски, Левандовски, Милик (Свидерски, 60).

Фарер ороллари вакиллари сенсация кўтаришга яқин эди. Қолаверса Фернанду Сантуш бошқарувга келганидан кейин Полша зерикарли ўйнамоқда ва Молдавага ҳам мағлуб бўлди. Аммо бу сафар полякларга омад кулиб боқди ва тўп бехосдан жарима майдони ичидаги ҳимоячининг қўлига тегиб кетди. Левандовски пеналтини аниқ ижро этганидан меҳмонлар таслим бўлишди ва ҳужумчи қолган дақиқалар давомида миллий жамоадаги голлари сонини яна биттага ошириб олди.

10 сентябр. Фарер ороллари — Молдава, Албания — Полша.