13, 14, 15 сентябр кунлари қатор поездлар ҳаракати техник сабабларга кўра бекор қилинади.
Фото: Kun.uz
13, 14, 15 сентябр кунлари Ўзбекистонда бир қатор йўловчи поездлар ҳаракати техник сабабларга кўра бекор қилинади.
«Ўзтемирйўлйўловчи» хабарига кўра, 13 сентябр куни 4-сонли Тошкент-Қарши йўналиши, 14 сентябр куни қуйидаги йўналишларда поездлар ҳаракатланмайди:
- 3-сонли Қарши-Тошкент;
- 4-сонли Тошкент-Қарши;
- 80-сонли Тошкент-Термиз;
- 79-сонли Термиз-Тошкент;
- 682-сонли Қумқўрғон-Сариосиё;
- 681-сонли Сариосиё-Қумқўрғон;
- 16/15-сонли Тошкент-Қарши-Тошкент.
15 сентябр куни 3-сонли Қарши-Тошкент йўналиши бекор қилинади.
Шу кунларга сотилган чипталар суммаси тўлиқ қийматда қайтарилади.
14 сентябр куни 760-сонли Тошкент-Қарши йўналишида поезд Тошкент бекатидан Самарқанд, 759-сонли Қарши-Тошкент йўналишида эса Самарқанд бекатидан Тошкент бекатигача ҳаракатланади.
