Captiva-5 нархлари эълон қилинди

Октябр ойининг охиридан Ўзбекистонда Captiva-5 сотувлари бошланади. UzAuto Motors расмий саҳифасида эълон қилинишича, янгиланган Captiva-5 LT1 , LT 2, вa Premier комплектацияларида сотувга чиқарилади. Уларнинг нархлари қуйидагича бўлади:

• LT1 (5 ўриндиқли): 299 900 000 сўм;
• LT2 (7 ўриндиқли): 319 900 000 сўм;
• Premier (7 ўриндиқли): 349 900 000 сўм.  

Нархлар қўшилган қиймат солиғини ҳам ҳисобга олган ҳолда кўрсатилган.

UzAuto Motors 2021 йилнинг кузида ҳам Captiva-5 модели сотувини бошлаб, шартномалар тузган, лекин маълум вақтдан кейин жараён тўхтатилганди. Бунга сабаб сифатида Саптива-5ʼнинг Ўзбекистон иқлимига тўғри келмаслиги айтилганди. Ўша пайтда бу автомобил 222 млн сўмдан 310 млн сўмгача нархда сотувга чиқарилиши хабар қилинганди.