Қўшимча функционаллар
-
Тунги кўриниш
Самарқандда газ таъминоти корхонасига қарашли газ баллонлари фуқаро уйида ноқонуний сақланаётгани аниқланди
Унинг уйидан аҳоли хонадонларига имтиёзли равишда тарқатилиши белгиланган 261 дона маиший газ баллони топилган.
Энергетика вазирлиги ҳузуридаги «Ўзэнергоинспекция» томонидан «Ҳудудгаз Самарқанд» газ таъминоти филиали мутахассислари билан Самарқанд вилоятида ўтказилган назорат тадбирида маиший газ баллонлари ноқонуний тарзда, техника ва ёнғин хавфсизлиги талабларига мутлақо зид равишда сақланаётгани аниқланган.
Хусусан, Самарқанд тумани, Даштисухта маҳалласида истиқомат қилувчи фуқаро хонадонидан «Ҳудудгаз Самарқанд» газ таъминоти филиалига қарашли бўлган, аҳоли хонадонларига имтиёзли равишда тарқатилиши белгиланган 261 дона маиший газ баллони топилган.
Давлат корхонасига тегишли газ баллонлар фуқаронинг уйига қандай келиб қолгани ҳақида хабарда маълумот берилмаган.
Мазкур қоидабузарлик ҳолати бўйича тегишли ҳужжатлар расмийлаштирилиб, белгиланган тартибда чора кўриш учун ҳуқуқни муҳофаза этувчи органларга тақдим қилингани айтилмоқда.
Мавзуга оид
23:04 / 13.06.2026
Самарқандда Россияда ишлашни режалаштираётган фуқаролар учун тест маркази очилади
18:29 / 13.06.2026
Тошкентда фуқародан минг доллар талаб қилган туман газ таъминоти бўлими ходими ушланди
10:50 / 12.06.2026
Самарқанднинг олис туманларига инвестициялар жалб этилади
17:46 / 10.06.2026