Андижонда ҳоким ёрдамчиси 7 млн сўм пора билан ушланди

У 44 та хонадонга имтиёзли нархда кўмир ажратилишини ваъда қилиб, пора олганида қўлга тушди.

Фото: Бош прокуратура ҳузуридаги Департамент

Бош прокуратура ҳузуридаги Департаментнинг Андижон вилояти бошқармаси томонидан ДХХ ва ИИБ ходимлари билан ҳамкорликда ўтказилган тезкор тадбирда Жалақудуқ тумани ҳокими ёрдамчиси Д.И. пора билан ушланди.

Қайд қилинишича, у куз-қиш мавсумида кўмир ёнилғиси етказиб берилишини назорат қилиш ва хавфсизлигини таъминлаш бўйича ишчи гуруҳ аъзоси сифатида туман кўмир омборига назорат учун масъул этиб бириктирилганидан фойдаланиб, ҳудуддаги 44 та хонадон учун 38,1 тонна кўмирни имтиёзли нархда ажратиб бериши эвазига маҳалла фаолидан 600 доллар пора талаб қилган. Шундан 7 млн сўмни кўмир омбори ҳудудида олган вақтида ашёвий далиллар билан ушланган.

Ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.

#Андижон #пора #ҳоким ёрдамчиси