Тошкент халқаро аэропорти учиб кетиш залига кузатувчиларнинг кириши вақтинча чекланади

Шунингдек, халқаро аэропортидаги йўл ўтказгич (эстакада)га чиқиш чекланяпти.

Фото: Kun.uz

Жорий йилнинг 8 декабр куни соат 12:00 дан бошлаб Тошкент халқаро аэропортидаги йўл ўтказгичга (эстакада) чиқиш чекланади.

Uzbekistan Airports хабарига кўра, Тошкент халқаро аэропортида кенг кўламли реконструкция ишлари бошланди.

Автотранспорт воситалари ва туристик автобусларнинг кириши учун халқаро терминал автотураргоҳи ёнида алоҳида йўловчи тушириш йўлаги ташкил этилади.

Шунингдек, терминалда реконструкция ишлари олиб борилиши муносабати билан Тошкент халқаро аэропортининг учиб кетиш залига кузатувчиларнинг кириши вақтинча чекланади.