Берлинда ҲАМАС гуруҳи аъзолари қўлга олинди

Федерал прокуратура маълумотларига кўра, қўлга олинганлар қурол излаган. Уч киши Берлинда, яна бири Нидерландияда ушланган.

Фото: Picture Alliance

Германия ва Нидерландияда ҲАМАС гуруҳининг тўрт нафар аъзоси ерости қурол-яроғ омборини қидиргани учун қўлга олинди. 14 декабр, пайшанба куни Карлсруэ федерал прокуратураси хабарига кўра, Берлинда уч, Роттердамда яна бир киши ушланган. Департамент таъкидлаганидек, қуроллар Берлинга етказилиши ва Европадаги яҳудий объектларига ҳужум қилинган тақдирда тайёр ҳолда сақланиши керак эди.

Тўрт нафари ҳам хориждаги гуруҳга мансубликда расман гумон қилинмоқда. Уларнинг махсус ҳужум режалари бўлмаган. Федерал прокуратура маълумотларига кўра, улар кўп йиллар давомида ҲАМАСга аъзо бўлиб, гуруҳнинг хориждаги ҳаракатларида иштирок этган ва ҲАМАСнинг ҳарбий қаноти раҳбарияти билан яқин алоқада бўлган.

Қурол-яроғ омбори ўтган йилларда жиҳозланган

Берлинда қўлга олинганлардан бири - ливанлик Абдулраҳим Ал-А. - у ўтган йилларда Европада ўрнатилган қурол-яроғ омборини топиш учун ҲАМАС раҳбариятидан буйруқ олгани гумон қилинмоқда. Ал-А., Роттердамда ушланган мисрлик Муҳаммад Б. ва Назиҳ Р. октябр ойида ушбу яширин жойни қидириш учун Берлинни бир неча бор тарк этишган. 15 декабр куни Берлинда уч ушланган шахс судга келтирилади ва уларни ҳибсга олиш масаласи ҳал қилинади.

Дания 14 октябр тонгида операция доирасида Нидерландияда гумон қилинганлардан бири қўлга олинганини маълум қилди.

#Берлин #Ҳамас