Наманган вилоятининг Учқўрғон туманида Қозоғистоннинг Олмаота шаҳри яқинида қўш қотиллик содир этганликда гумон қилинган шахс қўлга олинди.
Фото: Zakon.kz
Zakon.kz хабарига кўра, икки давлат ҳуқуқий муҳофаза қилиш идоралари ходимларининг қўшма операцияси Учқўрғонда Ўзбекистон фуқаросининг қўлга олиниши билан якунланди.
Қайд этилишича, бу шахс 12 йилдан буён қидирувда бўлган – 2012 йилда Олмаота вилоятининг Енбекшиқозоқ туманида вақтинча ишлаб юриб, пенсионерлар уйига кириб олган ва уларни ўлдириб, мол-мулкини талон-торож қилган.
Умуман олганда, 2024 йил бошидан буён Қозоғистон полициячилари қидирувдаги 58 нафар жиноятчини қўлга олди.
Улар орасида 2020 йилда Остонада 144 та акциядордан 4 миллиард тенге йиғиб, ғойиб бўлган МЧЖлардан бирининг асосчиси ҳам бор. Аввалроқ унинг икки шериги қўлга олинган эди.
