Ҳафтанинг иккинчи ярмида ҳаво ҳарорати янада кўтарилади

Ўзбекистон бўйича 1-5 апрел кунларига об-ҳаво прогнози берилди.

Фото: KUN.UZ / Муҳаммаджон Ғаниев

Бугун кундузи Ўзбекистоннинг барча ҳудуди бўйича ёғингарчиликсиз об-ҳаво бўлиши кутилмоқда.

“Ўзгидромет” хабарига кўра, 2-3 апрел кунлари республика ҳудудига Каспий денгизининг жанубий ҳудудларидан нам ҳаво кириб келади. 2 апрелда Қашқадарё, Сурхондарё вилоятларида ва куннинг иккинчи ярмида Самарқанд, Жиззах вилоятларида, 3 апрелда Тошкент, Самарқанд, Жиззах, Сирдарё вилоятларида ва Фарғона водийси вилоятларида баъзи жойларда ёмғир ёғиши, момақалдироқ бўлиши мумкин.

1-3 апрел кунлари ҳаво ҳарорати 15-20 даража атрофида бўлади. 4-5 апрелда Ўзбекистон бўйича ёғингарчилик кутилмайди, ҳарорат +18...+23 даражагача, баъзи жойларда +25 даражагача кўтарилади. Кечалари ҳарорат асосан +5...+10 даража бўлади.

Тоғли ҳудудларда 2-4 апрел кунлари вақти-вақти билан ёғингарчилик (ёмғир, баланд тоғларда қор) бўлади, қор кўчиши хавфи сақланиб туради.

Пойтахтда 1-2 ва 4-5 апрел кунлари ёғингарчилик кутилмайди. 3 апрелда ёмғир ёғиши, момақалдироқ бўлиши мумкин.

Ҳарорат 1-3 апрелда +16...+19 даража, 4-5 апрелда +19...+22 даража бўлади. Ҳарорат кечалари асосан +5...+10 даража бўлади.