Воқеа жойига зудлик билан етиб борган қутқарувчилар фуқарони тупроқ остидан олиб чиқиб, ҳаётини сақлаб қолишган. Ҳозирда унинг аҳволи яхши экани айтилмоқда.
![](https://storage.kun.uz/source/10/WMdREVYhigzYBQDvSst3u24iWSJJwEC4.jpg)
Андижон вилоятининг Хонобод шаҳрида гўрковни қабр қазиётганда тупроқ босиб қолди. Бу ҳақда Фавқулодда вазиятлар вазирлиги хабар берди.
Маълум қилинишича, бугун соат 9:11 да Андижон вилояти Фавқулодда вазиятлар бошқармасига Хонобод шаҳар Марказий қабристонида фуқарони қабр қазиш вақтида тупроқ босиб қолгани тўғрисида мурожаат келиб тушган. Қутқарувчилар зудлик билан айтилган манзилга етиб боришган.
Махсус асбоб-анжомлар ёрдамида қутқарув ишлари амалга оширилган. Тезкор ҳаракатлар натижасида фуқаро тупроқ остидан олиб чиқилиб, биринчи ёрдам кўрсатилган ва шифохонага юборилган. Ҳозирда унинг аҳволи яхши ва у шифокорлар назоратида экани таъкидланган.
Аввалроқ Зангиота тумани Ҳаракат маҳалласида жойлашган уйларнинг бирида қутқарувчилар тахминан 5 метрли ҳожатхона чуқурлигидан болани соғ-саломат олиб чиқиб, ҳаётини сақлаб қолгани хабар қилинганди.