Ўзбекистон | 10:48 / 08.06.2024
5259
2 дақиқада ўқилади

Ўзбекистонда илк бор жаҳоннинг экстроклассдаги 10 нафар етакчи шахматчилари ўртасида ўтказилаётган халқаро шахмат мусобақаси бошланди

Мусобақанинг мақсади мамлакатда шахмат спортини янада кенгроқ тарғиб қилиш ва ёшларни спорт мусобақаларига оммавий равишда жалб қилиш.

Ўзбекистонда илк бор жаҳоннинг экстроклассдаги 10 нафар етакчи шахматчилари ўртасида ўтказилаётган, «UzChess Cup»—халқаро шахмат мусобақасининг очилиш маросими Ёшлар ишлари агентлиги, Shakespear мажмуасида бўлиб ўтди. 

Мусобақа Президентнинг 2023 йил 8 майдаги «2026 йил Ўзбекистонда бўлиб ўтадиган 46-Бутунжаҳон Шахмат Олимпиадасига комплекс тайёргарлик кўриш ҳамда шахматни оммавий ҳаракатга айлантиришга оид чора-тадбирлар тўғрисида»ги қарори ижросини таъминлаш мақсадида ўтказилади. АлоқаБанк ва Ёшлар ишлари агентлиги ҳамкорлигида ўтказилаётган турнир ҳар томонлама қизиқарли бўлиши кутилмоқда. Маълумот учун, АлоқаБанк расмий амбассадори — Нодирбек Абдусатторов ҳисобланади. 

«UzChess Cup» — халқаро шахмат мусобақаси умумий мукофот жамғармаси 166 000 АҚШ доллар. Мусобақанинг мақсади мамлакатда шахмат спортини янада кенгроқ тарғиб қилиш ва ёшларни спорт мусобақаларига оммавий равишда жалб қилиш, ўзбекистонлик шахматчиларнинг билим ва тажрибаларини янада ривожлантириш, уларни муносиб рағбатлантириш учун зарур шарт-шароитларни яратиш, ҳаваскорлар ва ёш шахматчиларнинг спорт малакаларини ошириш.

Турнир учта гуруҳда:

«Masters» гуруҳи FIDE рейтинги 2700 ва ундан юқори бўлган шахматчилар;

«Challengers» гуруҳи FIDE рейтинги 2600 ва ундан юқори бўлган шахматчилар;

«Futures» гуруҳи FIDE рейтинги 2500 ва ундан юқори бўлган шахматчилар ўртасида ўтказилади.

«Masters» гуруҳида ғолиб ва совриндорлар қаторига кира олмаган шахматчилар 5 000 доллар миқдорида пул мукофоти билан тақдирланади. «Challengers» гуруҳида ғолиб ва совриндорлар қаторига кира олмаган шахматчилар 2 000 доллар миқдорида пул мукофоти билан рағбатлантирилади.

Турнир ташкилотчилари: Ёшлар ишлари агентлиги, Ўзбекистон шахмат федерацияси ва Ёшлар ишлари агентлигининг «Uzchess» лойиҳаси

Турнир бош ҳомийлари: АлоқаБанк, Uzbekistan Airways

Реклама ҳуқуқи асосида

Мавзуга оид