Таиланд Ўзбекистон фуқаролари учун расман визасиз режимни жорий қилди
15 июлдан Ўзбекистон фуқаролари ушбу давлатда 60 кунгача визасиз бўлишлари мумкин. Бунгача Ўзбекистон фуқаролари аэропортга келганларида 60 АҚШ доллари эвазига 15 кунлик туристик виза олишлари мумкин эди.
![](https://storage.kun.uz/source/10/iWLd4TV18XGmEt9cPBtqcZ18W1qOMZ9c.jpg)
Фото: Reuters
Жорий йилнинг 15 июл кунидан эътиборан Таиланд ҳукумати 93 давлат, жумладан Ўзбекистон фуқаролари учун, 60 кунгача визасиз кириш режимини расман жорий қилди. Бу ҳақда “Дунё” АА хабар берди.
Маълум қилинишича, муқаддам Таиландга фуқаролари визасиз кириши мумкин бўлган давлатлар сони 57 та эди. Рўйхатга янги киритилган 36 та давлат қаторида Хитой, Ҳиндистон, Қозоғистон ва Ўзбекистон ҳам бор.
Янги тартиб барча чегара постлари орқали Таиландга ташриф буюрувчилар учун амал қилади. Ўз навбатида, мазкур тартиб Таиланд ҳукумати томонидан иқтисодиётни ривожлантириш мақсадида бир томонлама жорий этилди ва маълум муддатдан сўнг бекор қилиниши ҳам мумкин.
Таиланд ТИВ маълумотига кўра, Ўзбекистон ва Таиланд ўртасида ўзаро визадан озод қилиш бўйича ишлаб чиқилаётган ҳукуматлараро келишувлар юзасидан музокаралар давом этмоқда.
15 июлга қадар Ўзбекистон фуқаролари аэропортга келганларида 60 АҚШ доллари эвазига 15 кунлик туристик виза олишлари мумкин эди.
Аввалроқ Ўмон Ўзбекистон фуқаролари учун визасиз режимни жорий этгани хабар қилинганди.
Мавзуга оид
![](https://storage.kun.uz/source/thumbnails/_medium/10/Fl3-yXgCGelBOklzaLA57TyAgcryuT_d_medium.jpg)
13:20 / 07.09.2024
Таиланд Ўзбекистонда қуёш энергетикаси бўйича лойиҳани амалга ошириши мумкин
![](https://storage.kun.uz/source/thumbnails/_medium/10/S_490dP-hqceEATHewhnOyJsyx6Zl88Z_medium.jpg)
22:48 / 06.09.2024
Таиланднинг янги ҳукумати сиёсий нотинчликлардан кейин қиролга қасамёд келтирди
![](https://storage.kun.uz/source/thumbnails/_medium/10/05R8WFicWo0bKnUUfsbsTsCVVtdJaIMb_medium.jpg)
22:50 / 04.09.2024
АҚШ хорижлик талабаларга виза бериш жараёнини соддалаштирди
![](https://storage.kun.uz/source/thumbnails/_medium/10/BCITh9lEUn9tSx2Tbc97-vKRLQEvHWMs_medium.jpg)
23:40 / 01.09.2024