Тошкентда учта автомашина иштирокида ЙТҲ содир бўлди

Жорий йилнинг 16 июл куни соат 01:00 ларда Мирзо Улуғбек тумани Янги Ўзбекистон кўчасида йўл-транспорт ҳодисаси юз берди.

Фото: ИИББ ЙҲХБ

Тошкент шаҳар ИИББ ЙҲХБ хабарига кўра, ҳайдовчи (вояга етмаган, ҳайдовчилик гувоҳномасига эга бўлмаган), 2007 йилда туғилган М.Т. бошқарувидаги JAC русумли автомашина, ҳайдовчи, 1994 йилда туғилган Б.Й. бошқарувидаги Tracker русумли автомашина, ҳайдовчи, 2003 йилда туғилган О.Н. бошқарувидаги Spark русумли автомашиналари тўқнашиши оқибатида ЙТҲ содир бўлган.

ЙТҲ натижасида тан жароҳат олганлар йўқ.

Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.