Қўшимча функционаллар
-
Тунги кўриниш
БМТ Тараққиёт дастурининг Ўзбекистондаги янги доимий вакили тайинланди
Япониялик Акико Фужии миссияга раҳбарлик қиладиган бўлди.
Фото: UNDP
Бирлашган Миллатлар Ташкилотининг Тараққиёт Дастури (БМТТД) Акико Фужии хонимни Ўзбекистондаги янги доимий вакили этиб тайинлади.
Қайд қилинишича, Фужии БМТТД лойиҳаларида 25 йилдан ортиқ тажрибага эга, бутун дунёда турли раҳбарлик лавозимларини эгаллаган. Ўзбекистонга тайинланишидан олдин у Малдив оролларидаги доимий вакил ва Виетнамдаги доимий вакил ўринбосари, Фижидаги кўп мамлакатли ваколатхонада (Фижи, Микронезия Федератив Давлатлари, Кирибати, Маршалл ороллари, Науру, Палау, Тонга, Тувалу ва Вануату) ва Ямайкада ишлаган. Шунингдек, Судан, Япония ва Покистонда ҳам фаолият юритган.
БМТТД лойиҳаларидаги фаолиятидан олдин Фужии турли ривожланиш ташкилотларида, жумладан, БМТ Саноатни ривожлантириш ташкилоти (UNIDO) Вена (Австрия) ва Киото (Япония) шаҳридаги жамиятни ривожлантириш нодавлат ташкилотида ишлаган.
Фужии Сассекс университетида (Буюк Британия) гендер ва ривожланиш бўйича ҳамда Киото университетида (Япония) гуманитар фанлар ва атроф-муҳитни ўрганиш бўйича магистрлик даражасини олган.
Мавзуга оид
11:30
Ўзбекистон ва Япония ташқи ишлар вазирлари телефон орқали мулоқот қилди
22:37 / 04.11.2024
Япония ҳарбий алоқа сунъий йўлдошини орбитага чиқарди
22:55 / 02.11.2024
Японияда энди велосипед ҳайдаш вақтида телефондан фойдаланган шахслар қамалади
21:11 / 02.11.2024