Россияда Ўзбекистон фуқароларини террорчи ташкилотга ёллаган шахс ушланди

Хабаровск ўлкасида хорижлик шахс Ўзбекистон фуқароларини террорчилар сафига ёллаш билан шуғуллангани аниқланди.

Фото: Россия ФХХ

Россиянинг Хабаровск ўлкасида чет эл фуқароси Ўзбекистон фуқароларини террорчилар сафига ёллаган, деб хабар бермоқда РФ «ФСБ» минтақавий бошқармаси.

«Террорчилик фаолиятида ёрдам кўрсатган Марказий Осиё давлатларидан бирида туғилган шахс қўлга олинди. Ушланган шахс Ўзбекистон Республикаси фуқароларини халқаро террорчилик ташкилоти фаолиятида тайёргарликдан ўтиш ва бевосита иштирок этишга ёллаган», — дейилади хабарда.

Айбланувчининг ҳаракатларидан кейин Россия Федерацияси Жиноят кодексининг 205.1-моддаси 1.1-қисми бўйича иш қўзғатилди (Террорчилик фаолиятига кўмак кўрсатиш).

У ҳибсга олинди. Ҳозирги вақтда тергов жараёни давом этмоқда.