Фото: Германия канцлери Регистон ансамбли билан танишди
Ўзбекистон президенти Шавкат Мирзиёев мамлакатимизга расмий ташриф билан келган Германия федерал канцлери Олаф Шолцни Регистон майдонида кутиб олди.
Мамлакатимизнинг асосий тимсолларидан бири, аждодларимиз бунёдкорлик салоҳиятининг ифодаси – дунёга машҳур Регистон майдони ЮНЕСКОнинг Бутунжаҳон мероси рўйхатига киритилган. Ансамблга кирувчи Мирзо Улуғбек, Шердор ва Тиллакори мадрасалари ўзининг салобати, бой тарихи ва бетакрор архитектураси билан барчада чуқур таассурот қолдиради.
Олий мартабали меҳмонга Шарқ меъморчилигининг ушбу дурдонаси қурилишига оид тарихий маълумотлар, ечимлар ва безакларнинг ўзига хос хусусиятлари, шунингдек, бу маскан билан боғлиқ муҳим воқеалар ва шахслар, ўзбек халқининг маданий мероси ҳақида маълумот берилди.
Суҳбат давомида жаҳон цивилизациясининг қадимий бешикларидан бири сифатида ҳақли равишда эътироф этилган Самарқанд шаҳри бугунги кунда бугунги кунда ишбилармонлик ва сайёҳлик марказига айланиб бораётгани таъкидланди.
Шавкат Мирзиёев ва Олаф Шолц Регистон ансамбли олдида биргаликда суратга тушди.
Мавзуга оид
18:26 / 17.09.2024
Фақат миграция эмас: Олаф Шолц билан нималар муҳокама қилинди?
15:20 / 17.09.2024
Ўзбекистон президенти Германия бизнеси етакчилари билан қўшма учрашувда иштирок этди
14:08 / 17.09.2024
Мирзиёев Марказий Осиё ва Германия ўртасидаги амалий шерикликни ривожлантириш муҳимлигини таъкидлади
12:59 / 17.09.2024