Қўшимча функционаллар
-
Тунги кўриниш
Ромитан ҳокими ёрдамчиси содир этган ЙТҲда мактаб ўқувчиси ҳалок бўлди
Туманнинг Ифтихор маҳалласи бўйича ҳоким ёрдамчиси Элёр Тошпўлатов “Нексия-2” автомобилида шу маҳалладаги 7-сонли мактабнинг 3-синф ўқувчисини уриб юборган. 10 ёшли бола воқеа жойида вафот этган.
Бухоро вилояти Ромитан тумани ҳокимининг “Ифтихор” МФЙ бўйича ёрдамчиси Элёр Тошпўлатов ўзининг бошқарувидаги “Нексия-2” автомобилида содир этган йўл-транспорт ҳодисасида 10 ёшли бола вафот этди, деб хабар бермоқда Kun.uz манбаси. Туман ҳокимлиги ахборот хизмати раҳбари ушбу ҳодиса ҳақиқатда юз берганини тасдиқлади.
Маҳаллий Telegram-каналлардан бирида “ҳайдовчи қоидаларни бузган ҳолда катта тезликда ҳаракатлангани” айтилади.
Туман ҳокимлиги ахборот хизматининг Kun.uz’га маълум қилишича, ҳоким ёрдамчисининг хатти-ҳаракатлари кадрлар бўлими томонидан ўрганилмоқда.
Бу ҳодиса ҳақида Бухоро вилояти ИИБ ЙҲХБ томонидан расмий маълумот берилмаган.
Бу жорий ҳафтада мактаб ўқувчисининг йўл-транспорт ҳодисасида вафот этиши билан боғлиқ иккинчи ҳодисадир. 20 сентябр куни Тошкент шаҳри Сергели туманида қоидаларни бузган ҳолда тез ҳаракатланган BYD электромобили ўқувчи қизни уриб юбориши туфайли 9 ёшли ўқувчи қиз ҳалок бўлди.
Мавзуга оид
18:37 / 26.12.2024
Хатирчида пойга ўйнаб, 9 ёшли қизни босиб кетган ҳайдовчиларга ҳукм ўқилди
07:45 / 25.12.2024
Амир Темур кўчасида содир бўлган ЙТҲда ҳайдовчи жароҳатланди
16:19 / 24.12.2024
Танқиддан сўнг: 2 боланинг ўлимига сабабчи бўлган ҳайдовчи 3 йилга озодликдан маҳрум қилинди
08:12 / 24.12.2024