Қўшимча функционаллар
-
Тунги кўриниш
Самарқандда майнинг ферма 5,5 млрд сўмлик электр энергияни ноқонуний ишлатгани аниқланди
Фуқаро тижорат мақсадида 55 та тўпламдаги майнинг қурилмасини электр тармоғига тўғридан тўғри улаб, ноқонуний фойдаланиб келган.
Фото: Ўзэнергоинспекция
Самарқанд вилоятида жуда катта миқдорда электр энергиясидан ноқонуний фойдаланган “Майнинг ферма” фош этилган. Бу ҳақда “Ўзэнергоинспекция” хабар бермоқда.
Маълум қилинишича, “Ўзэнергоинспекция” Самарқанд вилоят бошқармаси ва вилоят ИИБ ҳамкорликда ўтказган тезкор тадбирда Тойлоқ тумани, "Чороғбон" МФЙда яшовчи Э.С. тижорат мақсадида 55 та тўпламдаги майнинг қурилмасини электр тармоғига тўғридан тўғри улаб, ноқонуний фойдаланиб келаётгани аниқланган.
Дастлабки ҳисоб-китобларга кўра, фуқаро ушбу қоидабузарлик оқибатида 5 млрд 528 млн сўмлик электр энергиясидан ноқонуний фойдалангани маълум бўлган.
Қайд этилишича, мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилган.
Мавзуга оид
18:28 / 05.10.2024
Чиқиндидан қарзи борларга электр учун тўлов қилиш чеклаб қўйилади
17:30 / 02.10.2024
Айрим истеъмолчилар электр энергияси учун тўлов қилишда тариф гуруҳини ўзлари танлайди
10:00 / 22.09.2024
Андижон ва Хоразм вилоятларида энергия ресурсларидан ноқонуний фойдаланган корхоналар аниқланди
17:31 / 28.08.2024