«2025 йил учун Ўзбекистон Республикасининг Давлат бюджети тўғрисида»ги қонун лойиҳаси жамоатчилик муҳокамасига қўйилди. Қонун лойиҳасига кўра, бюджет даромадлари 308,5 трлн сўм, харажатлари эса (бюджетлараро трансфертларни инобатга олмаган ҳолда) 290,2 трлн сўм миқдорида белгиланган. Тақчиллик чегараси – 49,3 трлн сўм ёки ЯИМга нисбатан 3 фоиз.  

2025 йилда олинадиган давлат ташқи қарзининг чекланган миқдори – 5,5 млрд доллар. Шундан 3 миллиарди давлат бюджетини қўллаб-қувватлашга, 2,5 миллиарди инвестиция лойиҳаларига йўналтирилади. Ўзбекистон Республикаси номидан 30 трлн сўмлик давлат қимматли қоғозлари чиқарилиши кўзда тутилмоқ да.

2025 йилда ялпи ички маҳсулот 1 квадриллион 630 триллион сўмдан ошиши кутилмоқда. ЯИМ ўсиши 2025 йилда 6 фоиз, 2026 йилда 6,1 фоиз, 2027 йилда 6,3 фоиз бўлиши прогноз қилинмоқда.

Ҳужжатга кўра, 2025 йилда инфляция даражаси 7 фоиз атрофида шаклланиши мўлжал қилинмоқда.

  • Мактабгача ва мактаб таълими вазирлиги — 59,46 трлн сўм (46,6 трлн сўм);
  • Олий таълим, фан ва инновациялар вазирлиги — 6,27 трлн сўм (6,1 трлн сўм);
  • Соғлиқни сақлаш вазирлиги — 5,09 трлн сўм (4,6 трлн сўм);
  • Маданият вазирлиги — 1,17 трлн сўм (1,1 трлн сўм);
  • Спорт вазирлиги — 1,13 трлн сўм (1,8 трлн сўм);
  • Қурилиш ва уй-жой коммунал хўжалиги вазирлиги — 1,99 трлн сўм (1,8 трлн сўм);
  • Қишлоқ хўжалиги вазирлиги — 1,79 трлн сўм (1,7 трлн сўм);
  • Сув хўжалиги вазирлиги — 10,4 трлн сўм (10,4 трлн сўм);
  • Энергетика вазирлиги — 123 млрд сўм (242 млрд сўм);
  • Транспорт вазирлиги — 6,71 трлн сўм (6,2 трлн сўм);
  • Экология, атроф-муҳитни муҳофаза қилиш ва иқлим ўзгариши вазирлиги — 927,1 млрд сўм (883 млрд сўм);
  • Тоғ-кон саноати ва геология вазирлиги — 1 трлн сўм (939 млрд сўм);
  • Рақобатни ривожлантириш ва истеъмолчилар ҳуқуқларини ҳимоя қилиш қўмитаси — 12,6 млрд сўм (11,5 млрд сўм);
  • Давлат активларини бошқариш агентлиги — 12,1 млрд сўм (11,3 млрд);