Тошкент шаҳри автобусларида нақд пул ўрнига қандай тўлов қилиш мумкинлиги тушунтирилди

2025 йил 1 январдан бошлаб, Тошкент шаҳрида автобусларда нақд пул қабул қилиш амалиёти тўхтатилади ва тўловлар электрон тарзда, транспорт карталари ёки банк карталари орқали қабул қилинади.

Транспорт вазирлиги нақд пулда тўлов қилмоқчи бўлган йўловчиларга қандай йўл тутиш ҳақида тушунтириш берди: бу ҳолатда шаҳардаги бекатларда ва улар яқинида ўрнатилган тўлов қурилмалари (Paynet, MultiPay ва Oson инфокиосклари) орқали бир марталик чипта харид қилиш лозим бўлади.

Йўл ҳақини тез ва арзон тўлаш учун эса электрон тўлов тизимларидан фойдаланиш тавсия этилган.