Пойтахт ФВБ Учтепа туманида содир бўлган ёнғин тўғрисида маълумот берди.
Тошкент шаҳар Фавқулодда вазиятлар бошқармаси Учтепа туманида содир бўлган ёнғин тўғрисида маълумот берди.
Қайд этилишича, 9 декабр куни соат 20:03 да Учтепа тумани, Фозилтепа кўчасида жойлашган сомсахонада ёнғин содир бўлаётгани тўғрисида Тошкент шаҳар ФВБга хабар тушган.
Шунга кўра, ёнғин-қутқарув техникалари айтилган манзилга соат 20:07 да етиб бориб, ёнғин соат 20:20 да ўчирилган.
Ёнғин оқибатида ҳалок бўлган ва жабрланганлар йўқ.
«Ҳозирда ёнғин сабаби ва келтирилган моддий зарар аниқланмоқда», — дейилади хабарда.
Аввалроқ Тошкент шаҳар Мирзо Улуғбек туманида жойлашган ресторан дудбўронида ёнғин чиққани тўғрисида хабар берилганди. Ундан олдин Тошкентдаги кўп қаватли уйда ёнғин чиқиши оқибатида бир киши ҳалок бўлганди.
