ХМТ Марказий Осиёдаги ишсизлик даражаси бўйича маълумот берди

Ишсизликнинг энг паст даражаси Қирғизистонда, энг юқори даражаси Тожикистонда қайд этилди.

Марказий Осиё мамлакатлари орасида энг паст ишсизлик даражаси Қирғизистонда қайд этилган – 3,3 фоиз. Бундай маълумотларни Халқаро меҳнат ташкилоти (ХМТ) ўз веб-сайтида эълон қилди, унда дунёнинг 187 мамлакати орасида ишсизлик даражаси бўйича рейтинг тақдим этилди.

Минтақадаги бошқа мамлакатларда ҳам шунга яқин кўрсаткичлар бор: Туркманистонда 4,3 фоиз, Ўзбекистонда 4,5 фоиз ва Қозоғистонда 4,8 фоиз ишсизлик даражаси қайд этилган.

Фақат Тожикистон бундан мустасно бўлиб, у ерда ишсизлик даражаси 11,6 фоизга етди, бу қўшни давлатларга қараганда анча юқори.

Тайёрлаган: Сардор Юсупов

#рейтинг #ХМТ #ишсизлик