Ушбу мукофот компаниянинг Ўзбекистондаги энг йирик солиқ тўловчиларидан бири сифатидаги муҳим ўрнини яна бир бор тасдиқлайди.
International Beverages Tashkent ўз вақтида солиқларни тўлаш, янги иш ўринлари яратиш ва ҳамкорлик тармоқларини ривожлантириш орқали мамлакат иқтисодиётига ўз ҳиссасини қўшиб, юксак ижтимоий масъулиятни намоён этмоқда.
Компаниянинг шаффоф солиқ тўлаш сиёсати давлат иқтисодиётининг барқарорлигини таъминлашга ва муҳим давлат дастурларини амалга оширишга, жумладан инфратузилма, соғлиқни сақлаш ва таълим соҳаларини ривожлантиришга ҳам хизмат қилмоқда.
Бу мукофот International Beverages Tashkent компаниясини давлат ва жамият ишончини мустаҳкамлаган, мамлакатнинг барқарор тараққиёти ва фаровонлигига салмоқли улуш қўшаётган намунали бизнес сифатида нишонламоқда.
