Улкан ғалабаларга эришганлар билан учрашувлар – Pepsi сизни руҳлантиришда давом этади

Ўзбекистонда спортнинг турли хил йўналишларига қизиқиб, мусобақаларда қатнашаётган ёшлар сафи кўпайиб боряпти. Профессионал спорт билан шуғулланишни қатъий ният қилган ёшларнинг сони ошаётгани ҳам қувонарли.

Президент Шавкат Мирзиёев аҳоли, айниқса, ёшларни жисмоний тарбия ва спортга жалб этиш, кенг жамоатчилик орасида соғлом турмуш тарзини оммалаштириш бўйича аниқ вазифаларни белгилаб берган. Ушбу вазифаларни бажаришга қаратилган дастурларни амалга оширишда PepsiCо компаниясининг Ўзбекистондаги расмий боттлери – International Beverages Tashkent ҳам ўз ҳиссасини қўшишга ҳаракат қилиб, мамлакатда турли спорт йўналишлари: профессионал футбол,  хоккей, бокс, оғир атлетика ва бошқа спорт тадбирларини ташкиллаштириш ва ўтказишда фаол иштирок этмоқда.

МОҚ ва International Beverages Tashkent компанияси ўртасидаги шу йилнинг май ойида имзоланган Ҳамкорлик меморандуми доирасида республикада оммавий спортни фаол қўллаб-қувватлаш, иқтидорли ва қобилиятли ёшларни спортга жалб қилиш бўйича ишлар ташкил этилди. Бу борада Ўзбекистоннинг энг ёрқин ва иқтидорли спортчилари билан ҳам ҳамкорлик қилиняпти.

Хусусан, Олимпия ўйинларида таэквондо бўйича Ўзбекистон учун биринчи олтин медални қўлга киритган Улуғбек Рашитов билан мамлакатнинг 5 вилоятига турне ташкиллаштирилиши режалаштирилган.

Турне доирасида Олимпия чемпиони таэквондо бўйича спорт мактабларига ташриф буюради, мазкур мактабларда болалар чемпион билан шахсан мулоқот қилиш, ўзларини қизиқтирган саволларни бериш ва спортчи ҳаёти билан яқиндан танишиш имконига эга бўлишади. Улуғбек Рашитов ҳар бир мактабда спортчи болаларга тхэквондо машғулотлари учун форма – добокларни ва бошқа совғаларини топширади.

Улуғбек Рашитов болалигидан спортга қизиққан. Бунда, айниқса, Брюс Ли ва Ван Дамм иштирокидаги фильмларнинг аҳамияти катта. Бўлажак чемпион уларнинг усулларини такрорлашга ҳаракат қилар ва отаси ўғлининг интилишини кўриб, уни спорт тўгарагига беришга қарор қилган эди.

Ёш Улуғбек мураббий Павел Хан қўлида таҳсил олади ва устози уни Олимпия чемпионига айлантирди.

“Таэквондодан воз кечиб, футболга боришни истаган пайтларим бўлган, чунки бошланғич паллада таэквондода сезиларли ютуқларга эришолмаганман. Лекин мураббий мени ҳар бир мағлубиятим сабоқ эканини айтиб, қўйиб юбормади, қўллаб-қувватлади, рағбатлантирди, шунинг учун мен шу йўналишда қолишга қарор қилдим ва бундан афсусланмадим”, - дейди Улуғбек Рашитов.

2017 йилда спортчи илк бор йирик мусобақалардан бирида – Атирау шаҳри (Қозоғистон)да ўсмирлар ўртасидаги Осиё чемпионатининг совриндори бўлди ва иккинчи ўринни эгаллади.

“2018 йилда Ўсмирлар ўртасидаги Олимпия ўйинларига йўлланма олиш мақсадида саралаш турнирига тайёргарлик кўра бошладик. Бу мусобақаларда мен биринчи ўринни қўлга киритдим ва Ўсмирлар ўртасидаги Олимпия ўйинларида кумуш медаль соҳиби бўлдим. Уч кундан сўнг ўсмирлар ўртасидаги жаҳон чемпионати бошланди ва унда 3-ўринни эгалладим. 2019 йилда эса ўсмирлар ўртасидаги сўнгги мусобақаларда мен Осиё чемпиони ва 2019 йилнинг энг яхши спортчиси бўлдим”, - дея эслайди Улуғбек.

2020 йилги Олимпиада ўйинлари спортчининг бир умр ёдида қолди. Ва нафақат сеҳрли ғалаба туфайли, балки Олимпия ўйинлари тарихида илк бор таэквондо бўйича беш жангда қатнашиши керак эди. Улуғбек Рашитов “Токио – 2020”нинг ҳар бир жангида шараф билан кураш олиб борди ва муносиб “олтин”ини қўлга киритди.

International Beverages Tashkent Улуғбек Рашитов каби спортчиларнинг ҳаёти, улар берадиган тавсиялари ёш спортчиларга мотивация бўлишига, уларнинг мақсадларига эришишига туртки бўлишига ишонади ва бундай турнеларни ташкиллаштиришда фаол бўлишда давом этади.

International Beverages Tashkent ҚК МЧЖ,
PepsiCо компаниясининг Ўзбекистондаги расмий боттлери.

Реклама ҳуқуқи асосида