Ётоқхоналарда талабалар учун қўшимча ётоқ ўринлари сони 8000 тага етказилади

2025 йилга мўлжалланган давлат дастури лойиҳаси муҳокама учун эълон қилинди.

Олий таълим муассасаларида талабаларни ётоқхона билан қамраб олиш даражаси яхшиланади.

Давлат-хусусий шериклик лойиҳалари, олий таълим муассасаларининг бюджетдан ташқари маблағлари ҳисобидан яратиладиган қўшимча ётоқ ўринлари сонини 8000 тага етказиш мўлжалланган.

Республикадаги камида 1 та олий таълим муассасаси нуфузли халқаро рейтингларнинг биринчи 1000 та ўриндаги олий таълим муассасалари рўйхатига киритилади.

Нуфузли халқаро рейтинг ташкилотлари билан ҳамкорлик алоқалари ўрнатилади.

Халқаро рейтинг ташкилотлари экспертлари иштирокида республика олийгоҳларидаги рейтинг учун масъул ходимларга семинар-тренинг ташкил қилинади.

Олий таълим ташкилотларининг нуфузли рейтинг ташкилотлари томонидан ташкил қилинадиган халқаро тадбирларида иштироки таъминланади.