Google компанияси Anthropic сунъий интеллект стартапига 1 млрд доллар инвестиция киритади

Anthropic ChatGPT’ни яратган OpenAI компаниясининг собиқ ходимлари томонидан ишлаб чиқилган. Шунингдек, стартап Кремий водийсидаги фондлардан ҳам 2 млрд доллар сармоя жалб этади.

Фото: Reuters

Американинг Alphabet Inc корпорацияси таркибига кирувчи Google компанияси Anthropic сунъий интеллект стартапига 1 миллиард доллардан ортиқ инвестиция киритади. Бу ҳақда Financial Times нашри хабар берди.

Бунқа қадар Google Anthropic’ка 2 миллиард доллар инвестиция киритган.

Anthropic, шунингдек, Lightspeed Venture Partners фонди бошчилигидаги Кремний водийсининг венчур инвесторларидан ҳам 2 миллиард доллар жалб этишга яқин турибди. Ушбу битим доирасида компания 60 миллиард доллар атрофида баҳоланиши кутилмоқда — бу аввалги инвестиция раундидан тахминан уч баравар кўп.

Amazon компанияси охирги 1,5 йилда Anthropic’ка 8 миллиард доллар миқдорида инвестиция киритганини эълон қилган ва стартапни бутун дунё бўйлаб 500 миллион истеъмолчи қурилмасига ўрнатилган Alexa овозли ёрдамчисига интеграция қилиш устида иш олиб бормоқда.

Anthropic 2021 йилда, ChatGPT’ни яратган OpenAI компаниясидан чиққан мутахассислар томонидан ишлаб чиқилган. Компания базавий сунъий-интеллект тизимлари ва тил моделлари, Claude сунъий интеллект ассистентини такомиллаштиришга ихтисослашган.