Қўшимча функционаллар
-
Тунги кўриниш
Грецияда янги президент сайланди
Греция парламенти Константинос Тасуласни мамлакатнинг янги президенти этиб сайланди. Инаугурация маросими 13 мартда бўлиб ўтади.
Фото: Kathimerini.gr
Греция парламенти ҳукмрон «Янги демократия» консерватив партияси номзоди, собиқ парламент спикери Константинос Тасуласни президент этиб сайлади.
Тасуласнинг сайланиши амалдаги президент Катерина Сакелларопулунинг ваколат муддати 2025 йил 13 мартда тугаши муносабати билан парламентда ўтказилган тўртинчи овоз бериш жараёни бўлди. Бўлажак президент 160 та овоз тўплади. Овоз бериш жараёнида парламентнинг 300 нафар аъзосидан 276 киши иштирок этди. Номзоднинг сайланиши учун шунчаки кўпчиликнинг овози (151 парламентарийнинг) талаб этиларди.
Парламентдаги 300 ўриндан 156 тасини ҳукмрон «Янги демократия» партияси депутатлари эгаллаган.
Бундан ташқари, президентликка номзод Тасос Янницис — 34 овоз, Лука Кацели — 29 овоз, Костас Кириаку эса 14 овоз тўплашга муваффақ бўлган.
Инаугурация маросими 13 мартга — амалдаги президент Катерина Сакелларопулу ваколати тугайдиган санага режалаштирилган.
Грецияда президент умумий овоз бериш орқали эмас, балки парламент томонидан беш йил муддатга сайланади.
Мавзуга оид
15:23 / 01.03.2025
Грецияда йирик поезд авариясининг икки йиллиги муносабати билан намойишлар бўлиб ўтди
13:08 / 10.02.2025
Косоводаги сайловларда бош вазир Куртининг ҳукмрон партияси ғалаба қозонди
21:57 / 07.02.2025
Украинада сайловлар ўтказилиши мумкинми?
16:35 / 04.02.2025