Кишинёвда муз устидаги шоуда трюк кўрсатаётган акробат қиз баландликдан қулаб тушди. Бу ҳақда Молдованинг Omniapres портали хабар берди.
Воқеа «Арена-Кишинев» саҳнасида «Алоуддин ва 1001 кеча эртаклари» шоуси чоғида содир бўлган. Саҳнада ўз чиқишини ижро этаётганда артист қиз арқондан тушиб кетиб, тахминан уч метр баландликдан муз устига қулаган.
Шифокорлар жабрланувчини тез ёрдам машинасида касалхонага олиб кетишди.
Шоу ташкилотчиларининг сўзларига кўра, фавқулодда ҳолат инсон омили туфайли рўй берган, акробат қиз ишлатган асбоб-ускуналар мукаммал ҳолатда бўлган.
