Тошкентдаги кўчалардан бири 1 майга қадар ёпилди

Шайхонтоҳур туманидаги Шофайзи кўчаси 25 мартдан 1 майга қадар автомобиллар ҳаракати учун ёпилди.

Тошкент шаҳри Шайхонтоҳур туманидаги Шофайзи кўчаси 25 мартдан 1 майга қадар ёпилди, деб хабар беради пойтахт ҳокимлиги матбуот хизмати.

Қайд этилишича, Daryobo‘yi Business City лойиҳаси доирасида Жанггоҳ, Чуқуркўприк ва Захариқ очиқ коллекторларининг ёпилиши, шунингдек, автомобил йўли, яшил ҳудудлар, пиёдалар ва велосипед йўлаклари барпо этилиши сабабли Шофайзи кўчаси автотранспорт ҳаракати учун ёпилган.

Шу билан бирга, Шофайзи кўчасининг Кўкча дарвоза кўчасидан Раҳмат Файзи кўчасигача бўлган қисмида таъмирлаш ишлари олиб борилиши муносабати билан 34-сонли «Чилонзор метроси — Шифокорлар шаҳарчаси» автобус йўналишига вақтинчалик ўзгартириш киритилади.

Мутасаддилар ҳайдовчи ва йўловчилардан ноқулайлик учун узр сўрайди.

#Тошкент #Шофайзи