Жиззахда газ таъминоти бўлими ходими ушланди

У табиий газ таъминотидан қарздорликни йўқ қилишни ваъда берган.

Фото: Бош прокуратура

Табиий газ таъминотидан қарздорликни йўқ қилишни ваъда берган газ таъминоти бўлими ходими ушланди. Бу ҳақда Бош прокуратура хабар берди.

Бош прокуратура ҳузуридаги Департаментнинг Жиззах вилояти бошқармаси томонидан ўтказилган тезкор тадбирда «Ш.Рашидовтумангаз» газ таъминоти бўлими газчи ходими Б.П. фуқаронинг яшаш хонадони табиий газ тармоғидан узилган бўлса-да, 10 млн сўм эвазига янги газ ҳисоблагич ўрнатиб, қарздорликни йўқ қилишни ваъда бериб, шундан 1 млн сўмини олиб, кейинчалик, қолган 9 млн сўмни олган вақтида ашёвий далилар билан ушланган.

Ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.

Тайёрлаган: Сардор Юсупов

#Жиззах #газ таъминоти #фирибгарлик