Норин дарёсидаги оролчада қолиб кетган қурувчилар қутқарилди

Наманган вилояти, Уйчи тумани, «Гулистон» маҳалласи ҳудудида янги кўприк қурилишида ишлаётган 7 нафар ишчи Норин дарёси сув сатҳи кескин кўтарилгани туфайли оролчада қолиб кетди.

ФВВ хабарига кўра, 3 май куни эрталаб бу ҳақда мурожаат бўлган. Унда дарё ўртасидаги қуруқликда қолиб кетган қурувчиларни қутқариш учун амалий ёрдам сўралган.

Таъкидланишича, ФВБ қутқарувчилари айтилган манзилга етиб бориб, махсус техника ёрдамида фуқароларга ёрдам кўрсатган.

Жабрланганлар ҳақида маълумот берилмади.