Саҳнида 245 нафар зиёратчи бўлган Uzbekistan Airways авиакомпаниясининг Жиддадан учиб келган самолёти 12 июнь куни маҳаллий вақт билан соат 17:30 да Тошкент халқаро аэропортига қўнди.
Uzbekistan Airports хабарига кўра, зиёратчиларни пойтахт аэропортида яқинлари кутиб олди.
Қайд қилинишича, 12-30 июнь кунлари Жиддадан Тошкент, Наманган, Қарши, Самарқанд, Бухоро, Урганч ва Нукус шаҳарларига жами 62 та рейс режалаштирилган бўлиб, 15150 нафар зиёратчи Ҳаж сафаридан қайтади.
